Өкпеұлы Кәрімтайдың ғибратты ғұмары

    Кітап Ертіс-Баян өңіріне танымал зиялы ақсақал, Баянауыл өңірінің құрметті қариясы, шежіреші, құсбегі, атбегі, саятшы, сынықшы – Өкпеұлы Кәрімтай қажының өмір жолына арналған. Кәрімтай ақсақал бір әулеттің ғана емес, қалың елі ақыл сұрап өнеге алатын, өмір жолы ғибратқа толы ақсақал болды. Бұл кітапта Кәрімтай Өкпеұлының 2001 жылы «Арғын: Мейрам шежіресі» деген атаумен шыққан шежіре, ел жақсылары туралы жазылған кітабы қайыра өңделгені, аудандық, облыстық газет бетіне жарық көрген мақалалары, бұрын жарыққа шықпаған қолжазбалары, әртүрлі тақырыпта жазып қалдырған өлең шумақтары және замандастары, сыйлас қадірлестері, іні-бауырларының естелік пікірлері жарық көрді. Кітапта бұрынғы ескі әңгімелер, тарихи тұлғалар, ғибратты өнегелі жазбалар, аңшылық дәстүр, атақты құсбегі әкесі Өкпенің есті әңгімелері, поэзиялық өлең шумақтары жазылған.     Жинақ өлкетанушыларға, тұлғатанушыларға, Кәрімтай ақсақалдың өнегелі өміріне қызығушы қалың оқырманға, ғалымдарға, ағайын-туыстарына арналады.