Таңшолпан екінші кітап

    Батыста ма, әлде сонау Латын Америкасы елінде ме, XVII-XVIII ғасырлардан бері жазылған «Отбасылық роман» немесе «Отбасылық ата-тек тарихы», әлде «Отбасылық шежіре» деп аталатын аталардан балаларға неше ғасырлар бойы ауысып келе жатқан кітаптары болған. Ол кітаптар тек сол отбасының ғана емес, солар өмір сүрген өлкенің, елі мен жерінің, ағайын-туыс, замандас-достарының, көрші-қолаң, құрбы-құрдастарының да өткені мен кеткені, тарихы мен шежірелеріне де байланысып жатқан. Шолпан Байғалының «Таңшолпан» екінші кітабы жиырма бірінші ғасырға аяқ басып тұрып жиырмасыншы ғасыр туралы әңгімелейді. Ықылым замандағы бұрынғы өткен ғасырлар туралы да айтады, жазады, өйткені ол – қазақтың тарихы, өзінің тарихы. Бүгінгі күн, ертеңгі тарих. Өткенсіз бүгін жоқ. Автордың өмір жолында сапарлас болған, әлі де бірге жүрген, өзі білетін, өзі танитын да, танымайтын кейіпкерлерінің аты-жөндері өзгертілмейді.