Сақ дәуірімен сабақтас оқиғалы оюлар Возражденные сакские узоры Шынар

    «Сақ дәуірімен сабақтас оқиғалы оюлар» атты бұл кітап ерте, ерте, ертедегі, ешкі жүні бөртедегі, баяғы бағзы замаңдағы, әлмисақтан бар, көз көрмесе де, көреген көңілмен, ересен біліммен зерттеу, іздеу, іздену арқылы жер асты мен жер үстіндегі қорғандар мен қорымдардан табылған баба сақ пен көк түркі, қалын қыпшақтан қалып, қасақ қазаққа жеткен жәдігерлер мен сәндік әшекей бұйымдардағы жан-жануарлар мен аңдар, құстар бейнеленген суретті ою-өрнегі өнері бүкіл түркі жұртының, қазақ халқының мұрасы екендігін айғақтайды. Бала кезінен ою салуға құмартып, 18 жасынан бастап сюжетті өрнек салумен айналысқан Қоғабай Шынар Жұмағалиқызының «Билік құдіреті», «Менің Қазақстаным», «Өмір ағашы», «Құстар әлемі», «Аңшылық», «Аққулар», «Баянауыл» атты туындыларына 1997 жылы Авторлық құқықтар Агенттігі және 2005 жылы ҚР Әділет министрлігінің Зияткерлік меншік құқығы комитетінде «Шынардың ою-өрнектері, Сюжетные орнаменты Шынар» деп аталатын тіркеу куәлігі берілді. Ғалымдардың пікірінше, үзілмейтін, қиылыспайтын бір сызықпен суретті сюжетті ою-өрнек құраған суретші-орнаменталист Шынар Қоғабай сақ дәуіріндегі аң стилін жаңғыртушы, дамытушы.