Қуаныш Мұғалім

    Ертіс өзенінің сол жағалауындағы Қожамжар ауылында туып, сол ауылдың бүгінде 70-тен асып, көргені мен қоғамдық ортадан үйренгені көп қариялық дәрежеге жетіп отырған Қуаныш Болатұлы Кәрімовтың ата-тегі, өзінен тарап отырған ұрпақтары, өмір өткелдері жайлы бұл кітапта кеңірек жазылды. Жарық дүниеден 7 бала өсіріп тәрбиелеп барып, «асығыс озған» ардақты ана Роза Дінмұхаммедқызы жайлы да, жүрек толғанысымен жазылған деректі әңгіме де кітаптың айшықты бетінен орын алған. Отбасы, бала тәрбиесі, ұстаздық, адами асыл қасиеттер хақында кітапта аз айтылмаған. Ұрпақ өсіріп, тәрбиелеп отырған ата-анаға, жас мұғалімдер мен жастар үшін Бекбау ата тағылымы, одан өрбіген ұрпақтарының мағыналы өмір салты, қысқасы, кімге де болсын өнеге тұтып, үйренуге аса қажет. Кітап осы тұрғыда жазылып отыр.