Жануарлардың әлемдік генофондын қолдану

    Ұсынылған «Жануарлардың әлемдік генофонын қолдану» оқулығы ауыл шаруашылық малдарының оқу пәндері бойынша құрастырылған оқу құралы болып табылады. Барлық әлемде таралған жануарлардың түрлері, олардың өнімдік сипаттамасы, әлем елдерінде таралуы осы оқулықта толық келтірілген. Халықаралық деңгейде әрбір асыл тұқымдық стандарттары, сонымен бірге қазіргі кезде қандай елдерде өсірілетінің оқып білуге болады. «Жануарлардың әлемдік генофондын қолдану» оқулығын әзірлеуде пәннің теориялық-әдістемелік және әдіснамалық негіздерін, міндеттерін, дамыту мәселелерін зерттеген шетелдік, отандық ғалымдардың еңбектері басшылыққа алынған. Дүние жүзінде жануарлардың әлемдік генофонды жайындағы ғылыми, әдіснамалық еңбектерді талдау нәтижесінде осы мәселеге арналған елеулі зерттеу жұмыстарының бар екендігі көрінді. Оқулықтың теориялық-әдіснамалық бөлімінде халықаралық жануарлар селекциясына қатысты күрделі мәселелерді зерттеп, ғылыми-теориялық тұжырым жасауға үлес қосқан отандық және ТМД елдерінің белгілі ғалымдарының қосқан үлесі көрсетілген. Ауыл шаруашылығы жануарларының генетикалық қорын қолдану оқулығында жануарлар әлемінің генетикалық қорын әлемдік, сондай-ақ аймақтық көлемде сақтау мәселесі қозғалады, өсірілетін жануарлардың асыл тұқымдық, өнімділік және бейімделгіштік қасиеттерін жоғарлату мәселесінде селекционерлер үшін қызығушылық тудыратын Қазақстанда және шет елдерде өсірілетін жануарлардың тұқымдары сипатталған. Оқулық магистрат және бакалавриат мамандықтарының студенттеріне арналған. Бұл оқулықты баспаға шығаруға ұсынамын.