Аймақ өмірінің айнасы: Павлодар облыстық "Сарыарқа самалы" газетіне 80 жыл

    Бұл кітапта алғашқы нөмірі жарық көргеніне 80 жыл толып отырған Павлодар облыстық "Сараарқа самалы" газетінің өткен күнгі тарихы мен бүгінгі белестері бедерленген. Сондай-ақ басылымдағы әр жылдарда қызмет істеген ардагер журналистер мен редакция қабырғасынан түлеп ұшқан, алғаш өмірлік жолын осы газеттен бастаған, абыройлы, елге сыйлы азаматтардың естеліктері берілген. Баспасөздің қызметі мен газет шығару ісінің қыр-сыры да осы жинақта өріледі. Кітапта ұрпақтар сабақтастығы, "Сарыарқа самалының" бүгінгі күнгі бейнесі, әр кезде жарық көрген арнайы қосымшалары жайындағы ақпараттар кең берілген. Редакцияда алғаш қызмет еткен, басылымның негізін қалаған тілшілерден бастап, қазіргі таңдағы журналистердің, газет ұжымының қилы сәттерінен фото- репортаждарды тамашалай аласыздар. Кітап көпшілік қауымға арналған.