Біздің оттарымыз Повесть

    1906 жылы 6 қарашада Қызылорда қаласына қарасты Абай ауылында туған. 1926 жылы Ташкенттегі халық ағарту институтын бітіріп, Орта Азия коммунистік аспирантурасында оқыған. 2-дүниежүзілік соғысқа қатысқан. 1920-1930 жж. жылдары Өзбекстан Комунистік партиясы Орталық Комитетінің органы «Еңбек» газетінде мәдениет бөлімінің меңгерушісі, Қазақтың мемлекеттік көркем әдебиет баспасында бөлім меңгерушісі, Қазақ радио комитетінің төрағасы, Қарсақпай аудандық партия комитетінің мәдени-үгіт бөлімінің меңгерушісі, Қарсақпай аудандық «Қызыл кенші» газетінің редакторы, Казглавлиттің бастығы секілді жауапты қызметте болған. 1945-1950 жж. Қазақстан КП Орталық Комитетінде жауапты жұмысты атқарып, 1951-1960 жж Қазақтың мемлекеттік көркем әдебиет баспасында («Жазушы») аға редактор, редакция меңгерушісі, бас редактор қызметтерін атқарды. Алғашқы әңгімелер жинағы 1931 жылы «Құрылыс» деген атпен жарық көрген. «Маржан» (1935), «Ақан сері» (1947), «Қыз жүрегі» (1961) поэмаларын, «Тоғысқан тағдыр» (1965) романын, «Біздің оттарымыз» (1954), «Қара торғай» (1970), «Ғанидың жұлдызы» (1974) повестерін жазды. А.Хангелдиннің «Дударай» (1947), «Арқалық» (1948), «Жайнақтың сыры» (1955), т.б. пьесалары, «Таңдамалы» (1956) өлеңдер жинақтары жарық көрді. Н.В. Гогольдің, А.П. Чеховтың, А.М. Горькийдің, Ширванзаденің, т.б. шығармаларын қазақ тіліне аударған.