Жеңіс жалауын желбіреткен

Балалар, қолдарына алған осы кітаптың түпкі мақсат, айтар ойын жұмбақтамай бірден бастайық. Ертіс - Баян өңірін жайлаған біздің облысымыздаң Ұлы Отан соғысының майдан шебіне аттанып, өзінің ерлікті істерімен Жеңіс күнін жақындата түскен жерлестеріміз мың сан. Байтақ елімізді баспалап кірген жауға қарсы күрескет біздің облысымыздан 46257 адам қатысқан. Ертіс жағалап, Баян тау бөктерін төңіректей қоныстанған бар елді мекендерімізден аттанған жауынгерлердің 22252-сі майдан даласынан оралмады. Сол жаужүрек жауынгерлер арасында ер деп ерекшеле, батыр деп бөліп айтар тұлғалар да аз емес. Ғұмыр тіршілігі біздің облысымызбен тығыз байланысқан 23 азамат Кеңестер Одағының Батыры атағына ие болған. Еліміздің келешегінің қорғаны, болашағының бастауы - сендердің жаудан тайсалмаған қыран ұрпақ жайлы біле түссек деген талпыныстарың түсінікті. Бүгінде халқымыздың Ұлы Отан соғысындағы қажымас қайсарлығы, қайтпас жауынгерлігі жайында тың деректердің тарих бетіне шығуына "Атасы майдангердің немересі зерделі зерттеуші" деген қозғалысқа ат салысқан жасөспірімдер, меқтеп оқушылары көп үлес қосты. Сендер де аға ұрпақтың отаншыл қасиетін терең ұғына түседі деген сенімдеміз. Кітап сол бағыт, ортақ мүддеден табылады деген ойдамыз.