Жетінші қабат өлеңдер

Жанаргүлдің бір топ өлеңдері былай қарағанда ақын қыз өлең машығынан өтіп, өзіндік өрнек салуға талпыныс жасап жүргені байқалды. Жастарға тән албырт сезім, ұшқыр ой, алаң көңіл оның өлеңдерінің әр жолынан көзге ұрып түрғандай. Жанаргүлдің "Жетінші қабат" өлеңі тіпті бөлекше. Әлдекімдерге ұқсамайды. Лирикалық кейіпкер аялдамада тұрып та, көшеде кетіп бара жатып та жетінші қабатқа көз тігеді. Сол қабатта өмір сүріп жатқан өзі ғашық болған жігітті көргісі келеді.Жетінші қабаттың шырағы қашан сөніп, қашан жанатынына дейін біледі. Сол үйге кіріп-шығып жүретін келіншекті ылғи да көреді. Қызғаныштан өртенеді. Оның орнына өзі болғысы келеді. Иә. Иә. Жетінші қабаттың шырағы жанады да өшеді...